طريقه عمل الفلتو أو اللحمه البارده بالصور
طريقه عمل عرق الفلتة اواللحمه البارده
فوائد اللحمه 
لازم نعرف اي اكل بندخله جسمنا فائدته ايه والمقدار المناسب
الي لازم ناخده منه
اللحمه مصدر مهم جدا للبروتينات ومصدر عالي للحديد والكرياتين
وتحتوي علي العديد من المعادن زي الزنك والفسفور
كمان بتحتوي علي فيتامين منها ب1 ب2
وكمان
اكبر مصدر لالفا ليبويك ودا اهم المصادر لمضادات الاكسده
كم مره يجب تناول اللحمه في الاسبوع
طبعا عارفين أن اللحوم الحمراء سواء ضاني اوبقر غنيه جدا بالدهون
والي بدورها الذياده منها بيؤدي الي الكثير من أمراض القلب والشرايين
يبقي ناكل اللحمه مره كل اسبوع بكدا بتاخد فائدتها ونبعد عن الأمراض
والي بدورها بتقلل مستوي عمر الإنسان
مكونات عمل عرق الفلتو أو التربيانكو
أو اللحمه البارده
عرق فلتو
4بصلات
4جزر
توم فصوص صحيحه
فلفل اسمر صحيح يعني مش مطحون
وخيط اكل
وذبده
ورق لورا
ملح
طريقه عمل عرق الفلتو أو التربيانكو
أو اللحمه البارده
هنجيب عرق الفلتو ونخرمه بالسكينه
وتربطه بالخليط كويس جدا
بعد كدا في كل خرم نحط شويه ملح وفص حبهان وفلفل اسمر حصي
وهكذا بطول وعرض عرق الفلتو
بعد كدا في صنيه غير لاصقه ندوب الذبده اوالسمنه البلدي
معلقتين مثلا ونشوح العرق كويس من كل جانب علشان نقفل كل المسام
بعد كدا هتنزل عليه بالخضار المتقطع سواء جزر أو البصل
اللورا
ونشوحهم مع بعض وبعد نضيف حولي كوبايتين ميه سخنه
ولما يعلو نغطي الصنيع بورق فويل كويس جدا
وعلي فرن ساخن ساعتين لحد لما تستوي
ولما تطلعيها تنشلي العرق وتسبيه يبرد وتدخليه التلاته
ممكن ليله كامله لوعندك عزومه اعمليه قبلها بيوم
او علي الاقل يفضل 3ساعات في التلاجه
الفكره أنه لما تيجي تقطعيها تتقطع شرائح بسهوله
طريقه عمل صوص عرق الفلتو أو التربيانكو
هنجيب الخضار الموجود في الصينيه ونضربه في الخلاط
ونجيب معلقتين دقيق ونشوحهم في الذبده وننزل بنص كوب لبن
والعصير بتاع الخضار وقلبي كل دا
لحد ما يغلي ويندمح مع بعضه
طريقه تقطيع عرق الفلتو أو التربيانكو
هنخرج العرق من التلاجه ونقطعه زي الصوره كدا شرائح بعرض 1سم
طريقه تقديم عرق الفلتو أو التربيانكو
بنقدمه مع مكرونه أو شعريه او رز بسمتي بالكبده
ونرش شويه مكسرات متحمصه وشويه بقدونس
وبالف هنا 😋😋😋
هل ممكن نعمل بعرق الفلتو أو التربيانكو
حاجه تانيه غير الوصفه دي
اكيد طبعا نعرف نعمل بيه بوفتيك أو لحمه مسلوقه
تابعيني اعرفك كل وصفه ازاي 
تعليقات
إرسال تعليق