طريقه عمل كنافه بالمهلبيه
طريقه عمل كنافه بالمهلبيه الاصلي بتاع زمان
الكنافه ليها طرق كتيره جدا منها بتاعتنا الاصليه
منها الاصليه بتاعتنا الي بالمهلبيه
وفي كنافه بالمانجه
وفي بالاناناس
وفي كنافه بالكريز
وانواع كتيره جدا كل واحد حسب لما بيحب
هنبدا بالكنافه بالمهلبيه اوالقشطه بتاع زمان
مكونات عمل الكنافه بالقشطه أو المهلبيه
نص كيلو كنافه
كوب سمنه سايحه
ومعلقتين سمنه بدرجه حراره الغرفه
كوب الاربع سكر مطحون
وبفضل الأكياس الجاهزه المطحونه سكرها بيكون أقل
مكونات المهلبيه اوالقشطه
كوبين لبن
معلقتين نشا كبار
معلقه قشطه متوسطه الحجم
كيس فانيليا
مكونات شربات الكنافه
3كوب سكر
2كوب ميه
نص لمونه
طريقه عمل شربات الكنافه
في الاول لازم نبتدي بعمل الشربات علشان يبرد
والكنافه بتكون سخنه
هنجيب حله ونحط 3كوب سكر وعليهم 2كوب ميه
وعليهم عصير نص لمونه
ونقلب كويس
نحط الحله علي النار
ولما السكر يدوب والميه تغلي غلوتين
نهدي النار ونسيب الحله خمس دقايق كمان
وقبل مانطفي نحط رشه فانيليا
وبكدا خلصنا الشربات هنسيبه يبرد خالص
ونشتغل في الكنافه
وعلي فكره ممكن نعمل قبل رمضان كميه من الشربات ونحتفظ فيها في التلاجه علشان نستخدمها في أي وقت
طريقه عمل المهلبيه أو القشطه الي هنحشي بيها الكنافه
هنجيب كوبايتين لبن باردين ونقلب فيهم معلقتين نشا
ونحطهم علي النار
ولماتتمزج كويس وتستوي هنضيف القشطه
هتعرف منين انها استوت لما تطلع فقاقيع
طيب ليه محطناش سكر
لأن احنا هنسقي الكنافه شربات فكفايه سكرا كدا
والطعم بيكون احلي بكتير
كدا خلصنا المهلبيه والشربات ندخل علي صنيه الكنافه
طريقه عمل صنيه الكنافه بالقشطه أو المهلبيه
في البدايه حاولي تحطي الكنافه في الفريزر علشان تجمد
وبيكون سهل عليكي انك تفكيرها وتقطعيها براحتك
نجيب بقي الكنافه بعد ما قطعناها ونحط عليها السكر المطحون
ونقلب كويس
بعد كدا نضيف كوب السمنه السايحه
ونقلب كويس جدا
نجيب بقي صنيه وندهن معلقتين السمنه الي بدرجه حراره الغرفه
ونحط فوقها نص كميه الكنافه
ونحط الطبقه التانيه هي المهلبيه
والطبقة التالته هي النص التاني من الكنافه
بعد كدا في فرن ساخن ندخل الكنافه علي رف أوسط
ولما تحمر من الجانبين
نطفي الفرن ونشغل الشوايه تاخد لون من فوق
بعد كدا نخرج الكنافه من الفرن
ونسقيها بالشربات ونسيبها شويه منقطعش علي طول عما
تتشرب الشربات اوالسيرب بتاعها
بس كدا وبالف هنا 😋😋
احلي كنافه بالهلبيه اوالقشطه
وهحطلك شويه صور هتسهل عليكي تخيل الطريقه
طريقه عمل كنافه بالمانجه
مكونات عمل كنافه بالمانجه
نص كيلو كنافه
نص كوب سمنه
كوب مانجه شرايح
شربات الكنافه
طريقه عمل الكنافه بالمانجه
هنحمر الكنافه بالسمنه كويس لحد لما لونها يحمر
هنسبها تبرد خالص
احنا حضرنا فوق الشربات
الشربات دا ثابت معانا في أي نوع كنافه
خلاص الكنافه بردت هنرش من الشربات عليها
طريقه تقديم الكنافه بالمانجه
هنحيب بول زجاج علشان الطبقات تكون واضحه وشكلها جميل
اول طبقه الكنافه في النص مانجه شرايح
والطبقة الاخيره كنافه
وعلي الوش ممكن نحط الكريم شانتيه وعليه شريحه مانجه
وخلي شربات الكنافه في كاس جنب بولات الكنافه لأن في ناس بتحب الشربات يكون ذياده شويه 
تعليقات
إرسال تعليق