طريقه عمل فراخ بانيه
معلومه في دقيقه
الفراخ البانيه من الاكلات المشهوره في مصر وفي اي دوله تانيه
بيحبها الكبار والصغار
لكن قبل لما ناكل حاجه لازم نعرف القيمة الغذائية الموجوده
في الاكل بتاعنا علشان كدا هعرفك فايده الفراخ أو الدجاج ايه
الدجاج بيحتوي علي السلينيوم والمعادن الأساسية التي تساهم في عمليه الايض ودا مفيد جدا الغده الدرقيه والتمثيل الغذائى
بالاضافه لفايتنين ب6الي بدوره بيحافظ علي الاوعيه الدمويه
ومستويات الطاقه الي بتحافظ علي حرق السعرات الحرارية
كم مره يجب تناول الدجاج في الاسبوع ؟
النسبه المناسبه لتناول الدجاج او الفراخ هي 70جرام يوميا
يعني نص كيلو اسبوعيا
واكيد مش هناكلها مره واحده لكن الافضل أننا نقسمهم
علي مرتين علشان جسمنا يستفيد
مكونات عمل الفراخ البانيه
نص كيلو صدور فراخ شرائح
علبه زبادي
معلقتين خل كبار
بيضه
بصلتين
فصين توم
ملح
فلفل اسود
كاري
كركم
كمون
نص كيس بيكنج باودر
طريقه عمل الفراخ البانيه
تتبيل الفراخ البانيه
في بوله هنبشر البصل وبعد كدا معصره كويس
هناخد عصير البصل ونحط عليه
الذبادي والتوم والملح والفلفل الاسود
الكاري والكركم والكمون
نقلب كل دا مع بعضه
ونفقش بيضه
وننزل بصدور الفراخ في التتبيلة
ونسبها مش اقل من نص ساعه وكل لما سبتيها هتبقي معاكي احلي
تحضير الفراخ البانيه
هنحضر هنا خلطه التحمير
بوله ونحط فيها كوب بوقسماط وعليه نص كوب دقيق
وكمان نص كيس بيكنج باودر
ورشه ملح وفلفل ورشه كاري وكركم
ونقلب كل شريحه بانيه من الناحيتين كويس جدا وتضغط علشان ميفكش
ونعمل الكميه كلها بنفس الطريقه
ونرجعه التلاجه نص ساعه
قلي الفراخ البانيه
هنجيب طاسه ونملي نصها زيت ونسيبه يسخن جدا
بعد كدا هننزل بالشرايح ومش كميه كبيره يعني أنني تلاته
في كل مره
هنحمر واول لما تاخد لون دهبي نقلب علي الوش التاني ونهدي النار
علشان تبقي كرسبي وفي نفس الوقت مستويه
وطلعليها علي مناديل مطبخ علشان تمتص الزيت
تقديم الفراخ أو الدجاج البانيه
في طبق ونرش عليه شويه بقدونس متقطع ونرص البانيه
بشكل جميل
ممكن نقدمها مع المكرونه والسلطة
او رز بشعريه وبطاطس متحمره
وبالف هنا 😋
طريقه الفراخ البانيه دايت
هي نفس الطريقه الي شرحتها فوق لكن الاختلاف في طريقه
التسويه
هنا هنستغني عن الزيت أما ننانخطها في الغير فراير
طيب لومعندكيش هنحطها في طاسه غير لاصقه
فيها معلقه زيت واحده ونحمر بس الطاسه تكون سخنه جدا
في الاول بعد كدا نهدي النار وتغطي بغطا للكليه علشان يستوي
طريقه الفراخ البانيه بدون بيض
نفس الطريقه الي شرحتها فوق بس هنشيل البيضه ومش هيأثر في الطعم خالص هو القيمه الغذائيه هتقل بس
لكن أي مريض حساسيه من البيض
يقدر يعمل نفس الطريقه لكن بدون بيض
بالف هنا 😋
وهحطلك صور تسهل عليكي الطريقه 
تعليقات
إرسال تعليق