طريقه عمل صدورفراخ بالصوص الابيض والبقدونس
طريقه عمل صدور الفراخ بالصوص الابيض والبقدونس
قبل لما نتكلم عن الوصفه تعالوا ناخد معلومه سريعة
عن فوائد صدور الفراخ أو الدجاج
صدور الفراخ مصدر مهم جدا للبروتينات
وليها دور فعال في بناء العضلات
وكمان دور مهم في تقويه العظام
ومفيده جدا لكل الي بيتبعوا اي دايت لأن كميه الدهون
الي موجوده في صدور الدجاج بتكون قليله جدا
كمان ليها دور مهم في خفض نسبه الكوليسترول في الدم
يلا بقي نشوف المكونات بتاع الوصفه بتاعتنا
مكونات عمل صدور الفراخ بالصوص الابيض والبقدونس
4صدور فراخ او دجاج بدون عضم
1بصله متقطعه صغير
6فصوص توم
ربطه بقدونس متقطع صغير
3معاق ذبده
فلفل اسود
ملح
كوب ميه ساخن
كوب لبن
2معلقه قشطه
طريقه عمل صدور الفراخ بالصوص الابيض والبقدونس
في البدايه طبعا هنغسل الفراخ بالدقيق والملح والليمون
ونسبها ربع ساعه
بعد كدا نشطفها ونصفيها
وفي نجيب الصدور ونقطعها زي الصوره كدا 
بعد كدا نتبل الفراخ بملح وفلفل
وفي طاسه علي النار نحط معلقتين زبده ونشوح فصين توم وننزل الفراخ نشوحها من الجانبين لحد لما لونها يحمر
حاولي الفراخ تاخد لون حلو لأن في نهايه الاكله هو دا اللون الي بيظهر
بعد كدا ننشل الصدور علي طبق بره
وبعد كدا ننزل في نفس الحكايه بمعلقتين دقيق ونقلب تقلبتين
ونضيف كوب الميه ونقلب كويس
ونضيف كمان مكعب مرقه بتعزيز الطعم جدا
ولما كل المكونات تغلي نزود اللبن ونقلب وبعد كدا معلقتين القشطه
ومزود ربطه البقدونس المتقطعة قطع صغيره
بعد كدا نهدي النار لمده دقيقه بس علشان كل المكونات تتجانس مع بعض
اخر خطوه 
هنضيف بقي صدور الدجاج ونعلي النار تاخد غلوه
وتعدي النار ونسبها ربع ساعه تستوي
وبالف هنا 😋
طريقه اقتصاديه جدا لتقديم. صدور الفراخ أو الدجاج بالصوص الابيض والبقدونس
ممكن تقدميها مع الرز الابيض
طريقه عمل الرز الابيض
مكونات عمل الرز الابيض المصري
2كوب رز مصري مغسول
ميه ودي بتكون عند عقله الصابع كدا
معلقه ملح صغيره
معلقه سمنه بلدي
طريقه عمل الرز الابيض المصري
هنغسل الرز مرتين
بعد كدا نصفيه ونضيف الميه زي ما قلنا لحد اول عقله صابع
ورشه الملح
ونحطه علي نار عاليه لحد لما يغلي ويتشرب الميه
وتعدي النار لحد لما يستوي
بعد لما تستوي هنصيف معلقه السمنه البلدي
وبالف هنا 😋
كمان ممكن بصدور الفراخ نعمل احلي اكله بالمشروم
طريقه عمل صدور الفراخ أو الدجاج بالمشروم بالصوص الابيض
مكونات عمل صدور الفراخ أو الدجاج بالمشروم والصوص الابيض
4صدور فراخ
مشروم
4معالق ذبده
2معلقه دقيق
معلقتين قشطه
بصله
فصين توم
طريقه عمل صدور الدجاج او الفراخ بالمشروم والصوص الابيض
في طاسه علي النار نحط معلقتين زبده
وننزل بصدور الفراخ تاخد لون من الجانبين
وننزل الفراخ
ننزل بالمشروم المتقطع وعلي فكره احنا مش بنغسل المشروم
احنا بنضفه بس بمناديل المطبخ
ونقلب المشروم في الذبده
وننزل بالبصل والتوم ونقلب تقلبتين
ونضيف كوب ميه
ولما يغلي نضيف كوب لبن ومعلقتين قشطه
وتعدي النار لما كل الخليط يتجانس مع بعضه
بعد كدا نعلي النار وننزل بالفراخ ولما تغلي نضيف مكعب مرقه
وبفضل فاين فودز
بعد كدا ننزل بالفراخ ومهدي النار لحد لما تستوي
وبالف هنا احلي صدور فراخ بالوايت صوص والمشروم
تعليقات
إرسال تعليق